活動回顧：17/1 認知障礙與中風健康講座

Full House! Full House! 全場爆滿！

尋日（1月17日）我哋請到老人科專科 莊麗醫生 (Dr. Chuang) 同大家傾吓「認知障礙同中風」呢個話題。

其實步入新中年，最驚就係「記性差」或者「突然身體唔聽使」，唔單止自己辛苦，仲驚變咗屋企人嘅負擔。莊醫生好專業咁提醒大家，分享左不少病例， 以及風險及處理方案，最緊要係由而家開始愛自己，學識點樣守護腦部健康。

除咗聽專業知識， 講座特別加插咗「健腦運動」環節，由專業教練 Kit Lam 帶領。一班新中年朋友跟住音樂動感節奏，一齊做拉筋踏步運動同手指操，個個都郁得好快、好有活力！原來只要每日抽少少時間愛吓自己，做啲簡單嘅「手指舞」，已經可以幫大腦「做 Gym」兼減壓。

睇到大家聽完莊醫生分享後，個個都充滿信心咁一齊跳、一齊笑，真心覺得，愛自己就係要主動掌握健康主導權！唔好等到有事先諗點算，而家就開始為自己嘅未來打算！

多謝每一位出席嘅新中年朋友，希望呢次「動靜結合」嘅體驗幫到大家。記得返屋企都要繼續練習，錫自己多啲，健康就係最正嘅投資！